Isabelle Utley

Ers yn ifanc iawn, roeddwn i’n angerddol am yr amgylchedd. Llwyddais i raddio gydag Anrhydedd Dosbarth Cyntaf mewn Geowyddoniaeth Amgylcheddol ym Mhrifysgol Caerdydd yn 2022. Yna gyda chefnogaeth Ymddiriedolaeth James Pantyfedwen, parhaodd fy siwrnai academaidd wrth i mi aros ym Mhrifysgol Caerdydd i ddilyn cwrs MSc mewn Peryglon Amgylcheddol, lle cefais Ragoriaeth yn 2023. Arweiniodd hyn at fy nghwrs PhD presennol mewn Peirianneg Sifil (Geodechnegol) ym Mhrifysgol Caerfaddon (2023-2027), ac rwyf yn ymchwilio i effaith eithafion hinsoddol ar ansefydlogrwydd llethrau pyllau glo De Cymru. Ni fyddai'r cyflawniadau hyn wedi bod yn bosibl heb gefnogaeth yr Ymddiriedolaeth, ac rwy'n hynod ddiolchgar am hynny.

Yn ystod y rhaglen MSc, bûm yn archwilio’n fanwl y peryglon amgylcheddol naturiol a achosir gan bobl, a gweld pwysigrwydd arbenigedd technegol wrth asesu risg trwy fodelu rhifol ac ystadegol, synhwyro o bell, a dadansoddi data. Daeth y cwrs i ben gyda phrosiect ymchwil ar lif malurion ôl-seismig, gan archwilio'r cydadwaith rhwng lliniaru peirianneg, risg o beryglon, a bregusrwydd ffisegol. Mae'r MSc wedi rhoi'r sgiliau angenrheidiol i mi ar gyfer gyrfa mewn meysydd sy'n ymwneud â pheryglon ac mae'n dod â mi gam yn nes at fy nyhead o ddod yn ymchwilydd a chynghorydd peryglon tirlithriad. Diolch o galon i Ymddiriedolaeth James Pantyfedwen am eu cefnogaeth wrth ddatblygu fy astudiaethau a’m nodau gyrfa.